عن الإحسان أتكلم باللھجة المصریة ولغة الشعب الطیب الحنین سیدة تبیع شبت وبقدونس على ظھر قفص مقلوب على الأرض .. وجھھا بھ منحنیات من آثار تعرضھا
للشمس .. كنت انتظر صدیقى في السیارة بجوارھا وسمعت ھذا الحوار بینھا وبین بائعة أخرى.
-الواد سابلي البیت وھج.. عایز حنفیة فلوس.. عشان قلتلھ یابني بقالي ٤ شھور ماجبتش الدواء.. عایزة اجیبھ مرة قبل ما اتكوم جنبك ونجوع إحنا الأثنین.. شوح فیا ومشي ومدخلش البیت بقالھ ٣ أیام..
-یا لھوي یاختي الواحد یربي ویكبر وفي الاخر یترمي.. ربنا معاكي یام عبده إن شاء الله بجیلك ھیروح فین یعني..
المھم قررت انزل اشتري منھا اي حاجة.. وأدردش.. سألتھا: مش محتاجة حاجة یا أمي؟
قالتلي تسلم مستورة.. ورفضت تاخد أكتر من ثمن البقدونس.. أصل مافیش حاجة توجع قد واحد فقیر وعفیف.. بس قلت ھاحاول برضو.. قلتلھا طیب یا حاجة أنا سمعتك وأنت بتتكلمي عن الدوا بصراحة وعایز اجیبھولك.. ممكن اسمھ؟ بصت في الأرض.. مزیج من العفة والإحتیاج والفرحة والحیاء.. ست عظیمة الحقیقة..
قالتلي والنبي یا بنى ماعرف اسمھ ھو دواء السكر ب٢٢.٥ وحبوبھ صفراء كده..
قلت خلاص ھاحاول اوصلھ.. رحت الصیدلیة وسألت الدكتور ھل في كذا كذا قالي یعني اسمھ ایھ؟ قلتلھ ھو لسیدة غالبا مابتعرفش تقرا فمتعرفش اسمھ.. الدكتور فضل یدور على الكمبیوتر ووصل لھ في الاخر.. وبدل علبتین لقیتھ مدیلي شنطة فیھا الدواء.. سألتھ كام؟
قاللي ده ھدیة مني لیھا.. وقول لھا أول الدواء مایخلص ھتاخده من عندي ببلاش.. ربنا یكرمك.. وكتب لي كارت في ظھره “یصرف لحامل ھذا الكارت الدواء كذا بالمجان” .
الست كانت بتبكي وھي ماسكة الدواء ابو ٢٢.٥!! والكارت!
ھو ده المعنى الحقیقي لــــ الإحسان عارف … لما تكون مش عارف تفرح بأم مكافحة ولا ست قنوعة وراضیة ولا دكتور طیب جمیل ولا بربك الكریم الرحیم ؟ .. الخیر موجود في البلد دي مھما كنا مش قادرین نشوف فیھا غیر الوحش تفاءلوا واحسنوا وتحیة للصیادلة الصالحین المحترمین مصر

مقال للكاتب الصحفي والباحث الاسلامي/ أحمد إسماعيل

 

• أسوء فترات حياة فرجينيا وولف فرات البسام عاشت فرجينيا وولف أسوء فترات حياتها حين اركع هتلر بريطانيا بالحملات العسكرية والقصف المرعب ولكن ...
• رمضان والاعلام العربي حنان بنت حسن الخناني - أديبة وكاتبة  لماذا يتحول رمضان إلى شهر ترفيهي بدلاً من شهر روحاني؟ ...
• ”لغتي العربية” لغة ذات قوّة راسخة ”   د. وسيلة محمود الحلبي* يحتفل العالم العربي اليوم الاثنين 18 من ديسمبر 2023باليوم العالمي للغة العربية تحت ...