مافي كلمات عندّي لأحكيلك ياه، استنزفت كل الكلمات يلي عندي ..
الموضوع مُتعب انك تحبّ وكأنك بتحفظ الدرس غيباً، بشتغل بكل قوايِّ لأحكيها او اسجلها بالمُسجلات الصوتية ..
استهلكت كلّ كلمات الحب وأرسلت كلّ المشاعر العملاقة
بس عنجد هالمرّة الشوق بيكسّرني وانتِ بتكسريني.
بفقد الكثير من الأشياء الصغيرة عنك.
براقب ظهورك بمواقع التواصل لما ما بعرف وينك، ما بِستنا حدا غيرك، رغم وجود العالم بِكثره .
مابحمّلك هالموضوع بالمرّه بس هيك البني آدم، الحزن باخذ زاوية منه وبنمو لحالو جواتنا .

قرأت مرّه بصفحة إلكترونية رسالة ‘لطه حسين’ بعبر عن فقدانه:
“بدونك؛ أشعر انني أعمى حقاً .
أما وانا معكِ، فأنّي أتوصل الى الشعور بكل شيء.”

عموماً لو حكيتلك إنو هالقلب مش رايق بدونك بتجي !!.

سارّه فيصل .

• أسوء فترات حياة فرجينيا وولف فرات البسام عاشت فرجينيا وولف أسوء فترات حياتها حين اركع هتلر بريطانيا بالحملات العسكرية والقصف المرعب ولكن ...
• رمضان والاعلام العربي حنان بنت حسن الخناني - أديبة وكاتبة  لماذا يتحول رمضان إلى شهر ترفيهي بدلاً من شهر روحاني؟ ...
• ”لغتي العربية” لغة ذات قوّة راسخة ”   د. وسيلة محمود الحلبي* يحتفل العالم العربي اليوم الاثنين 18 من ديسمبر 2023باليوم العالمي للغة العربية تحت ...