جملة اسمعها دائما من مراجعين العيادة. ايش اعمل في العزايم و الأغرب لمن تجيني وحده و تقولي كان عندي عزا و خبصت في الأكل ولا عيب اروح و ما أكل هو المجاملات و وصل الرحم صار بس ب الأكل.
تعالو نستعرض سوا مناسباتنا. الافراح من اول ما ندخل الفرح نجلس على الطاولة فيها ما لذ و طاب من الحلو و المالح ناكل ما لا يقل عن ٥٠٠ سعرة حراري قبل ما يفتحو البوفية و طبعا فتح البوفية بعد نزول العروسة علشان نحلل قيمة القاعة و ندخل على البوفية و تبدء معركة ملأ الصحون بكل اصناف الطعام و كإنها أخر وجبة في الحياة.
كمان ما اكلنا طول اليوم علشان ناكل في الفرح و نخرج من الفرح على وجه الفجر و نحنا مبشومين و نروح نحط راسنا و ننام و تبدء معركة هضم الطعام بمشوار صعب قاسي.
اما العزا فموضوع آخر تروحي تعزي تجي تبغي تمشي يقولولك والله مو ماشية قبل ما تتعشي و بدل ما يكون العمل بسنة نبينا صل الله عليه وسلم ان الاكل لأهل الميت يصير عزومة كل يوم غدا و عشا على شوف المتوفي.
ولا لمن نروح نزورنفساء في المستشفى نلاقي ضيافات من كل الانواع وصت عليهم ام او حمات او حتى النفساءعلشان تبيض وجه مع الضيوف الي حيجوت يباركو و تجي تباركي تخرجي بكام كيلو زيادة في وزنك.
ولا جمعة الجارات صارت تصير في قاعات و طبعا ولائم و منافسات علشان ما نكون اقل من فلانةو فلانة و نشيل هم كلام الناس و نسرف في كل شيء صارت المجاملات عبء مادي و دمار صحي شامل.
و حتى خرجاتنا اول ما نركب السيارة تبدء النقاشات فين حناكل و طبعا لا مجال للمشاركة في الوجبات لازم لكل واحد طلب حتى لو رمينا نصه المهم الاستقلالية في الطلبات و بعدين نقول وزننا زاد فجأة و ما نعرف المسببات.

بقلم : د. رويدة نهاد إدريس

• أسوء فترات حياة فرجينيا وولف فرات البسام عاشت فرجينيا وولف أسوء فترات حياتها حين اركع هتلر بريطانيا بالحملات العسكرية والقصف المرعب ولكن ...
• رمضان والاعلام العربي حنان بنت حسن الخناني - أديبة وكاتبة  لماذا يتحول رمضان إلى شهر ترفيهي بدلاً من شهر روحاني؟ ...
• ”لغتي العربية” لغة ذات قوّة راسخة ”   د. وسيلة محمود الحلبي* يحتفل العالم العربي اليوم الاثنين 18 من ديسمبر 2023باليوم العالمي للغة العربية تحت ...